Rispeto ałe machine tradisionałi, i robot industriałi i ofre tanti vantaji. Tra questi ghe xe ła faciłità de utiłixo, alti livełi de intełigensa, alta eficiensa e sicuresa deła produsion, faciłità de gestion e benefici economici inportanti, che ghe permete de operar in anbienti a alto ris-cio.
Nel me paexe, i robot industriałi i xe doparài in modo difondesto neła produsion, no soło ne l’industria automobiłistica ma anca in tanti setori, dała produsion de nave spasiałi e dała produsion de atresature miłitari al sviłupo de ferovie ad alta vełocità e anca ała produsion de pene a sfera. Łe so aplicasion łe se ga espanso da industrie rełativamente mature a canpi come el magnar e ła medexina.
Par via del rapido sviłupo deła tecnołogia dei robot, ła difarensa de pressi tra robot industriałi e atresature industriałi tradisionałi ła xe drìo sbasarse, e i prodoti i ofre na personalixasion pi granda. Par cui, in procesi de produsion conplesi, i robot industriałi i pol sostituire łe machine tradisionałi, aumentando in modo significativo l’eficiensa economica. Łe statistiche mostra che łe vendite globałi de robot industriałi łe xe cresùe da 294.000 unità nel 2016 a 346.000 unità nel 2017, dimostrando ła gran varietà de aplicasion dei robot industriałi.
